Farg‘ona tumanida 9-may – Xotira va qadrlash kuni munosabati bilan «Vatan ravnaqi, tinchligi va himoyasi yo‘lidagi qahramonlik unutilmaydi» shiori ostida ezgu tashabbuslar amalga oshirilmoqda. Ayni kunlarda tumanda ushbu sana munosabati bilan milliy bayrog‘imiz ranglarini o‘zida aks ettirgan sharaf lentalari aholiga, yoshlarga, faxriylar va jamoatchilik vakillariga tarqatilmoqda. Lentalar Vatanga sadoqat, tinchlik va barqarorlik uchun jonini fido qilgan qahramonlar xotirasiga hurmat timsoli sifatida tantanali tarzda taqdim etilmoqda. Tadbirlar davomida yoshlar va fuqarolar o‘rtasida Vatan ravnaqi, tarixiy xotira, qahramonlik, tinchlik va taraqqiyot g‘oyalarini targ‘ib qiluvchi tushuntirish ishlari ham olib borilmoqda.