Farg‘ona tumanida dam olish kunlari – shanba va yakshanba kunlari hududlarni obodonlashtirish va tozalash bo‘yicha umumxalq xashari tashkil etildi. Tadbirda mahalla fuqarolar yig‘inilari, tashkilot va muassasalar xodimlari, yoshlar hamda ko‘ngilli fuqarolar faol ishtirok etdilar. Xashar davomida ko‘chalar, ariqlar, jamoat joylari, maktab va bog‘cha hududlari tartibga keltirildi, qurilish chiqindilari va yaroqsiz buyumlar olib chiqildi. Shuningdek, daraxt va gul ko‘chatlari ekilib, yashil hududlarni kengaytirish ishlari amalga oshirildi. Bunday tadbirlar nafaqat hududni obod qilish, balki aholi orasida birdamlik va hamjihatlikni mustahkamlashga xizmat qilmoqda.