Ushbu ezgu safar munosabati bilan Farg‘ona tumani «Bo‘ston» to‘yxonasida safaroldi dasturxoni tashkil etildi. Tadbirda ziyoratchilarni tantanali kuzatish marosimi o‘tkazilib, ularning sog‘-salomat safar qilib, Haj amalini go‘zal ado etishlari uchun tilaklar bildirildi. Ziyoratchilar bilan suhbat chog‘ida ularga ziyorat vaqtida rioya qilinadigan tartib-qoidalar, diniy marosimlarni ado etish bilan bog‘liq muhim jihatlar, shuningdek, sog‘liqni saqlash va xavfsizlik choralari haqida zarur ma‘lumotlar etkazildi.