Farg‘ona tumani “Beruniy” mahallasida tuman hokimining moliya-iqtisodiyot va kambag‘allikni qisqartirish masalalari bo‘yicha birinchi o‘rinbosari Otabek Abdurahimovning navbatdagi sayyor qabuli bo‘lib o‘tdi. Qabul davomida fuqarolar tomonidan jami 10 ta murojaat bildirilib, ularning 2 tasi joyida ijobiy hal etildi. 3 ta murojaat bo‘yicha fuqarolarga huquqiy tushuntirishlar berildi. Muddat talab etuvchi 5 ta murojaat nazoratga olinib, ularni amalda hal etish uchun mas‘ul tashkilotlarga topshiriqlar berildi. Ushbu qabullar aholining ijtimoiy-iqtisodiy muammolarini o‘rganish va joyida hal etish, shuningdek, davlat organlari bilan fuqarolar o‘rtasidagi ochiq muloqotni mustahkamlashga xizmat qilmoqda.