Respublika ishchi guruhi hamda Farg‘ona tumani hokimligi hamkorligida tuman Obodonlashtirish boshqarmasi tomonidan og‘ir mahallalar ro‘yxatiga kiritilgan "Birdamlik" mahallasida bir qator infratuzilma ishlariga qo‘l urildi. Xususan, ushbu mahallaning "O‘zbegim" ko‘chasidagi 500 metr ichki yo‘l qismi shag‘al bilan qoplab chiqildi. Bu esa nafaqat mahalla aholisi uchun qulaylik yaratdi, balki transport harakatini ham ancha engillashtirdi. Bundan tashqari, mahalla faollari tashabbusi bilan o‘tkazilgan umumxalq xashari davomida 3 dona oqova suvi quvuri yotqizilib, muhim muammolardan biri bo‘lgan ichki kommunikasiya masalasi ham hal etildi. Mazkur sa‘y-harakatlar mahalla infratuzilmasini yaxshilash, aholi turmush sharoitini engillashtirish va jamoatchilik faolligini oshirishga xizmat qilmoqda. Shu kabi obodonlashtirish tadbirlari tuman miqyosida izchil davom ettirilmoqda.