“Tashabbusli byudjet”ning 2025 yil 1-bosqichi doirasida amalga oshirilayotgan ishlar monitoringi maqsadida Farg‘ona tumani prokurori Oybek Toshpulatov rahbarligida tuzilgan ishchi guruh tomonidan nazorat tadbirlari olib borildi. Mazkur jarayonda “Avval” mahalla fuqarolar yig‘ini hududida joylashgan 38-sonli umumiy o‘rta ta‘lim maktabi va 1-sonli texnikumda eshik-rom o‘rnatish ishlari, shuningdek, 2-sonli politexnikum binosidagi joriy ta‘mirlash holati o‘rganildi. Tekshiruv yakunida ishlar belgilangan muddatda va sifatli tarzda yakuniga etkazilishi zarurligi ta‘kidlanib, mas‘ul tashkilot va mutasaddilarga tegishli topshiriqlar berildi.