Farg‘ona tumanida “Xavaskorlar ligasi” loyihasi hamda “Dolzarb 90 kunlik” doirasida Farg‘ona viloyati soliq boshqarmasi tomonidan mahalla yoshlari o‘rtasida kibersport bo‘yicha “Soliq boshqarmasi boshlig‘i kubogi” musobaqasi tashkil etildi. Musobaqada tumandagi umumta‘lim maktablari o‘quvchilari, talabalar hamda mahalla yoshlari faol ishtirok etib, o‘zlarining intellektual salohiyatini sinovdan o‘tkazishdi. Bellashuvlar sog‘lom raqobat va sport ruhida o‘tdi. Musobaqa yoshlar bandligini ta‘minlash, ularning bo‘sh vaqtini mazmunli o‘tkazish, sog‘lom turmush tarzini targ‘ib etish maqsadida o‘tkazildi. Tadbir yakunida eng yaxshi natija ko‘rsatgan jamoalar tashkilotchilar tomonidan esdalik sovg‘alar bilan taqdirlandi.