Farg‘ona tuman prokuraturasi hamda tuman Ekologiya, atrof-muhitni muhofaza qilish va iqlim o‘zgarishi bo‘limi hamkorligida “Yashil makon” umummilliy loyihasi doirasida amalga oshirilayotgan ishlar davom ettirilmoqda. Mazkur doirada Farg‘ona tumani “Yangi asr” mahallasi hududidagi “Yangi O‘zbekiston” massivida tashkil etilgan “Yashil bog‘” va “Yashil jamoat bog‘i” hududlarida nazorat va targ‘ibot tadbirlari o‘tkazildi. Tadbirlar davomida mavjud daraxtlarni yozgi issiq mavsumda doimiy sug‘orish, agrotexnik tadbirlarni o‘z vaqtida bajarish va zararli hasharotlarga qarshi kurashish borasida mas‘ullarga amaliy tavsiyalar berildi hamda aholiga tushuntirish ishlari olib borildi.